يااهـــــــلـــــيـــــن وســـــهــــلـــــين

بــــزوار منتدانا (جولنار)


المواضيع الأخيرة

» ملخصات أ.الحسن الأحمري للكيميا الفصل الدراسي الثاني
الجمعة مايو 06, 2011 8:08 am من طرف سوووما

» قمــــــــــــــــــ 14 ـــــــــــــــــر
الثلاثاء أغسطس 18, 2009 11:52 pm من طرف Rer0o0o

» اهدي ورده رقم 5 للعضو الي تحبه
الثلاثاء أغسطس 18, 2009 11:51 pm من طرف Rer0o0o

» مرررة حلوة _ المنحوس منحوس ،، لو حطوا فوق راسه فانوس‏
الثلاثاء أغسطس 18, 2009 11:50 pm من طرف Rer0o0o

» فتاة الكترونية تتصرف مثل البشر
الثلاثاء أغسطس 18, 2009 11:45 pm من طرف Rer0o0o

» لو تحب تعرف انت عاقل والا مجنون جاوب على هالسؤ ال ..‎
الثلاثاء أغسطس 18, 2009 11:36 pm من طرف Rer0o0o

» ღ♥乂القـــوآنين يــ حبذآ قرآئتهــا ღ♥乂 ...
الإثنين يونيو 15, 2009 6:21 am من طرف حلاوة

» امسح ذنوب عمرك كله في دقيقة واحدة >>>
السبت يونيو 06, 2009 4:27 am من طرف مرام

» نكته راشد
الأربعاء يونيو 03, 2009 4:31 pm من طرف Batreesya alamoora

تصويت


    بنت تكتب في خطيبهاقصيده شافها اخوها<<< شوفو ايش قالها

    شاطر
    avatar
    Batreesya alamoora
    الحكوومه(v.I.P) مــديـــرة جـــولــــنــــار
    الحكوومه(v.I.P) مــديـــرة جـــولــــنــــار

    انثى
    عدد الرسائل : 677
    العمر : 26
    العمل/الترفيه : Concerns of the school
    المزاج : Ahla extension
    تاريخ التسجيل : 17/02/2009

    بنت تكتب في خطيبهاقصيده شافها اخوها<<< شوفو ايش قالها

    مُساهمة من طرف Batreesya alamoora في الأربعاء فبراير 18, 2009 9:51 am

    قصيده بين بنت واخوها شافها اخوها تكتب شعر بالي خاطبها ومن زود الغلا قاعدتن تكتب فيه شعر
    ويوم شافها اخوها قال:

    أقول يابنت انتي ماتدرين
    يوم إنك بالحوش تكتـبين

    وانتي بالغبار بالعجًّة
    مبعدتن عن هالصـجًّة

    يقالك تكتبين كلام الشِّعر!
    وتاركتن المطبخ والقدر !

    ياويلتس ترى من امتس
    ويمكن ابوتس او عمتس

    كل هذا علشان سعد؟
    يعني مافيه غيره أبد؟

    هومايدري هالمسيكين؟
    إنك بعمرك تحوفرين !

    والاعاد من زين هالشوشة
    الي كنها شعيريتن منفوشة

    الشعر ترى باروكة
    والخشم كنه بازوكه

    والعين يازينهابعد وسيعة
    يعني كنها بقرتن مطيعة !

    والجبهه تقول غطا جيك!
    بعذره ترى لو أخذ عليك!

    والأفم مافيه ولا سن !
    وتهبله وتقول: أنا من؟

    تمزح معاه يقالها تمون !
    والشياطين منها يخافون !

    لا وتمشي وتحط هالكحلة
    لابارك الله في هالسحلة

    لا وتكتب تبي نجــوم
    حراج وحدة من يسوم

    ياسحيلة يام الخلاقين
    ياثقيلة هالدم والطين


    نصيحة مني اسمعيها
    لغيرك ترى ماعطيها

    كلميه بصوتن من دون صورة
    إن شافك ترى يبي يخور خورة

    بالسلب ماهو بالايجاب
    وبعدها ماينفع العتاب

    قولي له يا ولد تراني مزيونه
    والحلا ان شافني غمض عيونه

    هاه يمكن لعل وعسى
    يجزم بصبحن أو مسا

    يتزوجتس أقول تراتس كسبانه
    لو عزم ديرته و أهله واخوانه
    وهي ردت عليه وقالت :

    أ قول ترى عاد من زينك
    ماشفت ركبك وعصاقيلك

    الخشة كنها رسمت الهليل
    والعيون مغمصة توه مقيِّل

    الثوب نظيف والسروال مقطِّن
    يبيلك يوميا ترواش بلاك معفِّن

    إيه من برا الله الله
    ومن جوا يعلم الله

    ماشفت افمك والسعبولة ؟
    وذاك من خشمك ياطوله!!

    يبيلك تركيب عوامة
    وتثبت بسيم وخرامة


    والسنون فحدث ولا حرج
    واحدن واقف واحدن عرج

    وإذا شافك مدرس العلوم
    يشرح عليك وماعليه لوم

    ويتعب وهويقول للطلاب
    الي حاضر يعلم الي غاب

    هذا الي مايشرب حليب
    ابعد عنه لاتصير قريب

    وكل يوم تسلف من أبوك
    وأمك تقول هه خذ ودوك

    ياحليلك يادلالة
    ياعروة البيالة

    ورد عليها وقال :

    وش رايك نصير حبايب
    وترى هه اليوم انا تايب

    نعترف كل واحد منا شيفة
    بس أنا ذوق وانتي لطيفة

    قالت إيه اهجد اركد ياملوسن
    ياتنكة مصديتن بوسط روشن

    قال هاه ؟ نرجع من جديد
    تراني بقول للقريب والبعيد

    قالت لا لا يامزيون
    ياقز من غير عيون

    تراني هالحين لك امدح
    ومن بغا الدح ماقال اح

    قال قبلنا اعتذارك ياحنان
    ياخيمتن من غير عمدان


    ونقعدالين بكرا على هالحال
    ونسمع مهاوش وقيلن وقال

    وترىهذا حال البيوت
    كنها نار عليها زيوت

    وترىبعضها مهوب كلها
    ومنكم من يعرفها ويدلها

    بين الام والابو
    والاخت والاخو

    والزوجة وزوجها
    ولو كثرت روجها

    بس القلوب صافية
    بصحة وهنا وعافية


    ؟
    تحيااتي الكم

    ؟

      الوقت/التاريخ الآن هو الإثنين ديسمبر 18, 2017 1:51 am